Enspeksyon sou Sekirite
Ou gen dwa pou w jwenn yon espas travay ki an sekirite epi ki an sante.
Daprè lwa federal la, Ou gen dwa pou w jwenn yon espas travay ki an sekirite epi ki an sante. Anplwayè ou dwe bay yon espas travay ki pa gen danje pou sante ak sekirite. Si w gen enkyetid konsènan sante ak sekirite nan espas travay ou, ou gen dwa pale sou sa san w pa pè vanjans.
![Close up of a group of workers working in a warehouse](https://www.worker.gov/wp-content/uploads/2022/10/inspection-1024x679.jpeg)
Ou gen kesyon?
Nou la pou ede.
Pou asistans adisyonèl, tanpri kontakte:
OSHA nan 1-800-321-6742
Tout diskisyon ant OSHA ak anplwaye yo oswa reprezantan yo gratis epi konfidansyèl. OSHA pran plent pou sekirite ak sante anplwaye yo oswa reprezantan yo oserye, epi OSHA ap kenbe enfòmasyon yo konfidansyèl.
Ou gen dwa pou:
- mande yon enspeksyon Biwo ki Responsab Sekirite ak Sante nan Travay (OSHA), epi pale ak enspektè a.
Ou gen dwa tou pou:
- resevwa fòmasyon nan yon lang ou konprann.
- travay sou machin ki an sekirite.
- yo bay ekipman pwoteksyon pèsonèl oswa PPE obligatwa, tankou gan oswa yon ekipay ak liy sovtaj pou chit yo. Gade Gid pou Peman Anplwayè OSHA a pou ki kalite ekipman ki kouvri.
- pwoteje kont pwodui chimik toksik yo.
- rapòte yon aksidan oswa yon maladi ki gen rapò ak travay, epi jwenn kopi dosye medikal ou.
- gade nan kopi jounal aksidan ak maladi nan espas travay.
- revize dosye sou aksidan ak maladi ki gen rapò ak travay la.
- jwenn kopi rezilta tès yo fè pou detekte danje nan espas travay la.
Ou gen dwa pou w travay yon kote ki an sekirite epi ki pwòp kèlkeswa estati imigrasyon w.
Resous adisyonèl
Bezwen plis enfòmasyon?
Konsiltan elaws (Lwa Asistans Travay pou Travayè ak Ti Biznis) yo se yon seri zouti sou entènèt ki devlope pa Depatman Travay Etazini pou ede anplwaye ak anplwayè konprann dwa ak responsablite yo anba lwa travay federal yo.